Hello dosto ! Kaise hai aap log hum aapke liye daily computer se related kuch naya lekar aate rahte hai aur aaj bhi hum aapke liye computer se related ek samsya ka samadhan lekar aaye hai. Jaisa ki is samay computer ka hum bahut jyada upyog karte hai to iski basics jankari hume hona chahiye. Aaj hum baat karne wale hai ki agar aapke computer ki screen ulti ho gayi hai to usko sidha kaise karna hai. Ab yaha par sabse pahle to ye ki esa kyo ho jata hai to iska ek reason to yahi hota ki hum galti se wo button press kar dete hai jiski wajah se computer ki screen rotate ho jati hai aur kabhi koi aur vyakti hamara computer upyog karte samay screen rotate kar deta hai ya ni ki computer screen ulti kar deta hai. Bahut sare logo ka iska solution pata nahi hota hai jabki ise thik karne ka tarika bahut aasan hota hai.
Aap agar naya computer liye hai aur abhi computer chalana sikh rahe hai to computer me new user ke sath sabse jyada hone wali problem me se ek pc ki screen ulti hona bhi hota hai aap ise screen rotate ho jana bhi kahte hai.
Computer ki screen ulti hone ka reason yahi hai ki hum apne keyboard koi ese button press kar dete hai jiski wajah se
screen rotate ho jati hai ya ulti ho jati hai. Hamare sabhi kaam jo hum apne computer par karte hai wah sab hume screen par dikhai dete hai Ab ese me agar aapko bhi screen rotate ki
problem ho gayi hai to kaam karne me pareshani hogi lekin ab aapko pareshan hone ki jarurat nahi hai kyoki aaj hum aapko iske
2 aasan tarike batane wale hai jiski madad se aap apne computer ya
laptop ki screen ko aasani se thik kar sakte hai.
Computer screen Rotate/ulti ho gayi hai kaise thik kare
Jaisa ki hum aapko bata chuke hai ki computer ki screen ulti hone ka kaaran yahi hota hai ki hum galti se short key press karte hai jiski wajah se screen rotate hoti hai. Aap ise ese bhi samajh sakte hai ki computer screen Landscape se Portrait me chali jati hai. Ab isko thik karne ke multiple tarike hote hai hum aapko aaj 2 sabse aan tarike batane wale hai jiski madad se aap is problem fix kar sakte hai. Aap niche bataye hue sabhi steps achche se follow kare aur gar kuch samajh nahi aata hai to hume bataye hum aapki help kar denge.
Method -: 1 (Manual tarika upyog karna)
STEP-:1 Computer screen ko sidha karne ke liye sabse pahle home screen par right click karna hai jisse ek popup khul jayega isme aapko screen resolutions wala option select karna hai jaisa ki is image me dekh sakte hai.
STEP-:2 Screen resolution par click karne ke baad new page khulega aapko landscape par click karna hai agar aapki screen rotate hai to aapko yaha par portrait likha dikhega.
STEP-:3 Is par click karne se 4 options aapke samne show honge to yaha par aap Screen ko sidha karna chahte hai to 1st option Landscape hota hai usko select kare.
STEP-:4 Dosto yaha par 2 landscape ke vikalp hote hai to aapko ulti screen ko sidha karne ke liye first wala landscape chunna hai aur uske baad ok par click karna hai aapka kaam ho jayega.
Dosto yah pahla tarika hai jiski madad se aap apni screen ko direct thik kar sakte hai ise hum manual method bhi bol sakte hai ab hum aage aapko isse bhi aasan tarika batane wale hai jisme hum shortcut keys ka upyog karne wale hai to chaliye iske bare me bhi jaan lete hai kyoki ulti screen ko jaldi se sahi karna ka sabse aasan tarika yahi hai.
Method -: 2 (shortcut key ka upyog karna)
Dekhi jab hamari screen ulti ho jati hai to usko upyog karne me problem hoti hai ese me shayad aapko pahla tarika screen sahi karne me aasan nahi lagega to agar esa hota hai to ese me shortcut keys ka bhi upyog kar sakte hai kyoki iski madad se bhi computer ki ulti screen thik kar sakte hai.
Aapko ctrl+alt key ke sath arrow key press karna hai isse aapke computer ki screen rotate hone la jati hai aur aapko in button ko multiple times press karna hoga jaise hi aapke computer ulti screen sidhi ho jati hai aap inhe dabana rok sakte hai. Ek baat yaad rakhe aap koi bhi arrow key ka upyog kar sakte hai.
Yahi sabse aasan tarika hota hai apne computer screen ko rotate karke sahi karne ka aur hum ummid karte hai ki aapko yah dono process achche se samajh aayi hogi kyoki bahut simple kaam hai aap isko aasani se kar sakte hai. Koi bhi sawaal aapke minde aata hai isse related to aap uske bare me humse puch sakte hai.
Conclusion
Computer ki screen ulti ya rotate ho jaye to use thik kaise kare iske bare me hum aaj jaan gaye hai aur yahi ummid karte hai ki aapko iske bare me sab kuch clear ho gaya hoga. Computer ki screen ulti ho jane par usko thik karne ke 2 tarike hum aapko bata chuke hai aur dono tarike achche se kaam karte hai. Ab agar aap is post ki madad apni screen thik kiye hai aur aapko yah post helpfull lagi hai to jaldi se ise apne dosto ke sath share kare taaki aur bhi log jinhe yah problem ho unhe iske solution ke bare me pata chal sake. Aaj bhi hum computer ke bare me kuch naya sikh gaye hai aur aage bhi aapko ese hi bhadiya jankari jo Computer/Laptop se related hogi uske bare me batane wale hai. Yah post ab hum yahi par khatam karte hai aur ek aur new article ke sath jaldi milenge Good by aapka din achcha ho.
