Laptop/Computer me Night mode [Dark mode] chalu kaise kare.

Hello dosto ! Aaj hum janne wale hai computer me night mode ke bare me ji ha dosto computer me bhi night mode ka option hota hai balki isme to aapko multiple themes ke option mil jate hai jisme se ek Dark mode yani ki night mode bhi hota hai. Ab agar aap bhi apne laptop ya fir computer me bahut jyada work karte hai to yah post aapke liye bahut jaruri hai kyoki agar hum pc ka jyada upyog karte hai to hamari aakhen to kharab ho jati hai tho de samay ke baad lekin wahi Computer me night mode active karne ke baad agar kaam kare to hamari aakho me koi bhi problem nahi hoti hai aur der raat tak bhi kaam kar sakte hai fir chahe aap students bhi kyo na ho aur apne computer study karte hai to night mode ka use karke karne se eyes me koi bhi samsya nahi hoti hai.
Computer me night chalu kaise kare
Aapko pata hai night mode ya fir dark mode ka option bahut pahle se computer aur laptop me dekhne ko milta hai par log iska upyog hi nahi karte hai kyoki kuch logo ko is option ke bare me pata hi nahi hai aur wahi kuch logo ko night mode ke bare me pata hai par computer/laptop me iske chalu kaise karna hai iske bare me jankari nahi hoti hai aur yahi reason hai ki bahut sare log iska upyog hi nahi kar pate hai Yah option computer ne isliye diya jata hai taaki jine aakhon me koi samsya hai ya fir wo log jo chashma pahnte hai computer ka achche se upyog kar sake lekin samay ke sath iska upyog itna badh gaya ki ab sabko night mode active karke apne computer me me kaam karna chahiye. Chaliye sabse pahle hum Night mode/Dark mode kya hota hai isko samajh lete hai.

Night mode [Dark mode] kya hota hai puri jankari

Night mode yah ek tarah ki theme hoti hai jise raat me Device use karne ke liye banaya jata hai. Jab screen ki light hamari aakhon par padti hai usse hamari aakhen dhire dhire kharab hone lagti hai aur hame pata bhi nahi chalta hai. Isliye night mode ka feature hume aaj kal har computer mobile ya fir kah sakte hai ki sabhi device me dekhne ko mil jata hai. Jab aap night mode ka upyog karke apne pc me kaam karte hai to aakhon par koi effect nahi padhta hai aur yah hamare liye bahut achcha hota hai. Chaliye aapko night mode ka matlab to samajh agya hoga par ab hum iska upyog computer me kaise karna hai yani ki computer me night mode chalu kaise kare iski puri process ke bare me jante hai.

Computer me night mode/dark mode chalu ya enable kaise kare

Computer me night mode chalu karna bahut aasan hai aapko hum yaha par ise enable karne ki puri process step by step bata rahe hai aur agar kahi kuch samajh nahi aata hai to comment karke puch sakte hai hum aapki help kar sakte hai baaki aapke paas koi bhi windows computer kyo na ho sabhi me same process hoti hai.

STEP-:1 Sabse pahle aap windows computer me start button press kare aur settings par click kare aap is image me dekh kar aasani se samajh sakte hai hum aapko kya kahna chahte hai.
go to windows setting
STEP-:2 Setting me enter hone ke baad aapko bahut sare options dikhaye jate hai to isme aapko control panel me jakar Personalization ke option ko dekhna hai ise find karke is par click kare.
personalization ke option me jaye
STEP-:3 Personalization me bhi aapko bahut sare option dekhne milte hai isme aapko bahut sari Themes dekhne ko milegi par aap High Contrast Themes wale tab me jaye.
hight contrast theme me jaye
STEP-:4 Is tab me aapko Light, Dark aur custom teen tarah ke theme option milte hai aap yaha par to aap first wali dark theme par click kare.
select first dark theme
Aage aapko niche ki taraf scroll karna hai aur sabhi option me dark option ko select karna hai uske baad ok par click kare. Ab aap dekhenge ki aapke computer me dark mode chalu ho jayega.
To dekha dosto kitna easy hai computer me night mode ko chalu karna ab aap bhi ise try jarur kare. Night mode chalu karna bahut easy hai par fir bhi aapke mind me koi sawaal hai to comment karke puch sakte hai. Chaliye aapko night mode chalu karne ke bare me to puri jankari ho gayi hai ab hum aapko ise use karne ke kuch fayde bata dete hai.

Computer me night mode upyog karne ke fayde

Aapko ise post me yah to samajh agya hoga iska upyog karne ka sabse bada fayda yahi hai ki aapki aakhe kharab nahi hoti hai aur iske alawa agar aap apne computer raat me upyog karte hai wo bhi night mode chalu karke to aapko screen par sab kuch clear dikhta hai. Night mode me computer chalane ka ek fayda yah bhi hota hai ki aapke pc ki battery achcha backup deti hai aur long time tak chalti hai. Dosto bas yahi advantage hai computer me night mode/dark mode ka upyog karne ke jo aapko samajh aagye honge.

Conclusion

Aaj hum jaan gaye hai ki night mode kya hota hai aur iska upyog kyo karna chahiye Iske sath hi Computer me night mode chalu kaise kare iski puri jankari hume is post me mil chuki hai. Ab aage se agar aap apne pc me raat me der tak kaam karne wale hai to night mode ka upyog karke kare isse aapki aakhon me bhi koi samsya nahi hogi aur aapka kaam bhi ho jayega. Aapko is post se help mili hai to ise apne dosto ke sath share karke hamari bhi help kare aur hamari website ke bare me jyada se jyada logo ko bataye. Dosto dark mode chalu karna vaise to bahut aasan hai par aapko koi step samajh nahi aaya hai ya fir aapka koi sawaal hai to hume bataye hum aapki help karenge. Aaj ki post me itna hi hum jaldi hi kuch new content ke sath fir milenge.

Post a Comment

Previous Post Next Post