Computer me Hardware kya hote hai || Type of hardware in hindi.

Kya aap jante hai ki computer ka apna koi astitva nahi hota hai aur computer khud se apna koi bhi kaam nahi kar sakta hai computer ko apna kaam karne ke liye kuch programs ki jarurat hoti hai aur in programs ko hardware and software kahte hai inhi ki wajah se computer me kaam karna posible ho pata hai. Ab aaj hum aapko hardware ki jankari dene wale hai to agar aapko hardware ke bare me pata hai to yah achchi baat hai lekin hardware ki koi jankari nahi hai to koi baat nahi aaj is post me hum aapko hardware ke bare me detail se batane wale hai aur koshish karenge ki aapko hardware ki puri jankari is post me mil sake.
Hardware kise kahte he in hindi
Jaisa ki humne aapko bataya ki computer hardware aur software se chalta hai software ko programs bhi kahte hai software ka upyog hum daily mobile aur computer me karte hai example ke liye Ms word,  chrome,  Ms-powerpoint, Photoshop, Tally aur Operating System me Android , Windows, Unix yah sab software hai. Software bina hardware ke kuch kaam ka nahi hota hai Hardware se hi hum apne computer ko control karte hai aur software me commands exicute kar pate hai. Hum aapko aaj bahut sare hardware ki jankari dene wale hai isme input device aur output device dono hote hai inke bare me janne se pahle hum yah samjh lete hai ki hardware kya hota hai to chaliye shuru karte hai aur iske bare me detail se jante hai.

Hardware kya hote hai ? Puri Jankari

Computer ke bahut sare parts hote hai jisme hardware bhi aate hai aur computer ke wo parts jinhe hum touch kar sakte hai unhe hardware kahte hai. Aap ise is tarah se samajh sakte hai ki Computer ke physical components hardware hote hai aur is Component me ICS, Circuit board aur dusre  Electronics hote hai. Computer me jitne bhi Input, Output, processing aur storage device hote hai sab hardware hi hai. Hum agar hardware ke example dekhe to isme Monitor, Keyboard, Mouse, CPU, Scanner aur Printer ko dekh sakte hai iske alawa computer ke aur bhi bahut sare hardware hote hai. Hardware ko computer ki body bhi bola jata hai kyoki hardware ke bina aap computer me koi bhi work nahi kar sakte hai. Chaliye dosto hardware ke bare me hum jaan gaye hai aur ab hum hardware ke types ke bare me janenge.

Type of hardware in hindi

Computer me 2 tarah ke hardware hote hai Input device aur Output device aur inke anadar bhi kai sare hardware shamil hai to Chaliye ab hum aapko in done ke bare me puri detail se batate hai.

Input Device

Input device ek esa device hai jiska kaam computer ko order dena hota hai. Kahne ka matlab hai jo kaam hum computer me karna chahte hai jaise ki hume apna naam type karna hai to computer tak yah command pahuchane ka kaam input device ki madad se hota hai. Bahut sare input device hote hai jinka hum daily life me upyog karte hai chaliye hum aapko iske kuch types batate hai.

Keyboard -: Yah to aapko pata hi hoga ki computer me keyboard ke bina to kuch nahi kiya ja sakta hai keyboard ek esa hardware input device hai jiske bina aap computer me koi bhi data enter nahi kar sakte hai. Keyboard sabse jyada use me liya jane wala hardware hai aur iske andar bhi dusre hardware components hote hai.

Mouse -: Computer me sabse jyada upyog hone wale hardware me se ek mouse bhi hai mouse ko points device ke naam se bhi jana jata hai mouse alag alag tarah ke hote hai iska kaam computer me kisi program, file and folder ko select karna un par click karna aur scroll karna hota hai. Iski madad se aap computer screen par cursor ko control kar pate hai. Mouse ko ek flat surfaces par rakh kar upyog me liya jata hai.

Scanner -: Scanner computer ka ek esa hardware hai jiska upyog karke hum paper aur photos ko digital images me convert karke apne pc ke storage me rakh sakte hai. Scanner ki External hardware ke naam se bhi jana jata hai iska jyada tar upyog document ko scan karke computer me surakshit store karne ke liye kiya jata hai.

Output Device

Ab hum jante hai ki output device kya hota hai aur isme konse hardware dekhne ko milte hai. Pahle to yah janiye ki wo device jo computer ke diye hue result ko hume dikhata hai ya fir hamare paas pahuchata hai usko output device bolte hai isme bahut tarah ke hardware hume dekhne ko milte hai chaliye kuch ki jankari aapko yaha par dete hai.

Monitor -: Dosto monitor ek electronic device hota hai. Jiska upyog computer me output dekhne ke liye kiya jata hai jab hum computer ko koi input dete hai to monitor hume uska result yani output dikhata hai. Aapke paas jitna achcha monitor hota hai aapko utne hi achche Pixels and resolution dekhne ko mil jate hai. Monitor me bhi 2 type hote hai chaliye inke bare me bhi jaan lete hai.
 
CRT Monitor -: CTR monitor bahut jyada bade aur bhari hote hai is tarah ke monitor bahut sari electricity ka upyog karte hai CTR Monitor cathode Rey tube technology par adharit hote hai. Inka upyog television ke liye kiya jata tha aur yah bahut purani technology hai.

LCD Monitor -: Yah monitor ek tarah ke flat panel display hote hai aur yah mordern technology hai LCD monitor hamare CTR ki tulna me bahut achche hote hai yah bahut kam desk ka upyog karte hai iske sath hi inke upyog me bijli ka bhi bahut kam use hota hai aaj kal aap jitne monitor dekhte hai ya fir hum jinka upyog karte hai wah sab LCD monitor hi hote hai aur aapko yah touch screen ke features ke sath bhi dekhne ko mil jate hai.

Printer -: Printer ek esa output device ya hardware hai jo p computer se milne wali sabhi jankari ko paper par print karta hai aur isi wajah se ise printer kahte hai isme ek memory lagi hoti hai jaha se yah result ko dhire - dhire print karta hai kyoki paper par output ki copy ko hardcopy bolte hai aur computer se milne wali jankari ka output bahut fast hota hai wahi printer itna fast work nahi karta hai aur iski yahi kami dekhte hue isme ek memory lagayi jati hai taaki jankari ko printer me store kar sake.

CPU -: CPU jiska pura naam Central Processing Unit hota hai aur ise system unit ke naam se bhi jana jata hai. CPU khud ek esa hardware hai balki iske andar bahut sare chote chote hardware dekhne ko milte hai. CPU ko computer ka brain kaha jata hai kyoki yah computer ko puri tarah se control karne ka kaam karta hai aur computer band aur chalu karne ke liye iski jarurat hoti hai. 

Conclusion

To dosto kaise raha aaj ka post aaj aapne sikha ki hardware kya hote hai aur iske type ke bare me bhi jana hai. Hum yahi ummid karte hai ki aapko hardware ki jankari mil gayi hogi aur hardware bare me aapko kuch aur bhi janne hai to aap hume bata sakte hai taaki aapke hardware par aur jankari lekar aaye. Aapko Computer hardware ki yah post achchi lagi hai to ise apne dosto ke sath jarur share kar taaki aur bhi log hamari website par visit kare aur unhe bhi computer se related jankari mil sake. Aapko post kaisa laga iske bare me comment jarur kare. Computer hardware se related yah post yahi par khatm hoti hai aur jaldi hi hum aapke liye computer se judi hui kuch behtreen jankari lekar aane wale hai to aap hamari website par isi tarah jude rahe hum aapse new article ke sath fir milenge abhi ke liye good by aapka samay achcha rahe.

Hamari dusri post padhe -:

Post a Comment

Previous Post Next Post